معلومات عن الكلاب

معلومات عن الكلاب

التربية السليمة والصحة الجيدة معلومات عن جميع انواع الكلب

هل تعلم عن الكلاب
معلومات مهمة عن الكلاب ناس كتير متعرفهاش

.
.
.
.
.
.
.
.
.
* هل تعلم ان الكلب يشعر بقدوم الزلازل والعواصف قبل حدوثها..!
* هل تعلم ان الكلب ممكن أي يتعرض لحروق الشمس مثلنا..!
* هل تعلم ان الكلب ينظم نومه حسب اذا لديه عمل او نشاط يعمله وينام باقي الوقت..
* هل تعلم ان الشوكولاته مضره وسامه للكلب ولو قطعه صغيره لدرجه ممكن تسبب الوفاه !
* هل تعلم انه لا يستحب ان يعطى الحليب لللكلب البـالغ .. الا في حالة الانثى الحامل مثلاً..
* هل تعلم ان عظام الطيور او الدجاج تضر الكلب وممكن تؤدي لجرح او تقطيع المعده والامعاء أو للوفاه !
لان الكلب يقوم بتكسير العظم واحتمال كبير ان يتكسر بزوايا حاده ويضره عند ابتلاعه..
"فيجب" ازالة العظم اولاً..
* هل تعلم ان الكلب ليس اعمى الوان كما يقال .. ولكن لايرى الالوان بوضوح كما نراها نحن,
بل يرا الاوان كالالوان الموجوده في الشفق مثل الاصفر والاصفر المخضر و الخ....
* هل تعلم ان فروة وشعر الكلب.. تدفئه في البرد.. وتساعد على تبريده في الحر..
* هل تعلم ان الكلب يبرد جسمه باخراج لسانه (يلهث) ..لانه لا يعرق مثلنا
وان غدد التعرق توجد في باطن اقدامه !
* هل تعلم ان عدد اسنان الكلب 24
* هل تعلم ان حاسة الشم للكلب اقوى بـ مليون مره من حاسة الشم للانسان !
* هل تعلم ان عدد نبضات القلب العاديه للكلب 70 – 120 مره في الدقيقه,
بينما هي 70 – 80 نبضه في الدقيقه للانسان
وكلما كبر حجم الحيوان كلما قلت سرعة نبضاته مثلاً : نبضات قلب الفيل ( 25 – 40 )
بينما عدد نبضات قلب الهمستر ( 300 – 600 ) مره في الدقيقه !
* هل تعلم ان معدل سرعة الكلب (19) ميل في الساعه ..
وقد تصل الى ضعف هذه
السرعه !! ( 44 ) ميل في الساعه
لدى كلب الـ
Greyhounds
* هل تعلم ان معدل التنفس الطبيعي للكلب في حالة الراحه هو 18 – 34 نفس في الدقيقه..
* هل تعلم ان الكلب الذي يحرك ذيله بمستوى غير مرتفع هو يريد التقرب والتودد اليك والخضوع ..
* هل تعلم ان اصغر كلب هو
(Chihuahua)
* هل تعلم ان اطول واكبر كلب هو
(Irish Wolfhound)
وايضاً
(Great Dane)
* هل تعلم ان اثقل وزن واكبر حجم كلب هو
(Saint Bernard)
ممكن ان يصل وزن الذكر 170-200 باوند أو اكثر
وايضاً
(English mastiff)
الذي سجل الرقم القياسي في الطول والوزن في عام 1989 الذي بلغ وزنه 343 باوند ,
كما بلغ طوله من الانف الى الذيل 8 اقدام و3 انش.
* هل تعلم ان اسرع كلب هو
(Greyhounds)
الذي تبلغ سرعته 44 ميل في الساعه
* هل تعلم ان معدل عمر الكلب حسب فصيلته يتراوح بين 8 – 15 سنه
بينما اكبر عمر وصل اليه كلب هو عمر 29 سنه و5 شهور وهو كلب الـ
Australian cattle-dog
* هل تعلم ان الطبيب البيطري يفضل عمل عملية عدم الانجاب للانثى والذكر
Spaying & neutering
في عمر الستة اشهر ويفضل عمل العمليه للانثى قبل بلوغها لدورة الشبق او التزاوج للوقايه من السرطان
( طبعاً هذا في حال كنتم لاترغبونها ان تحمل وتلد )
* هل تعلم ان الكلب يستخدم للحراسه والصيد والكشف على الاسلحه والمخدرات والالغام وقيادة العميان
ومساعدة ذوي الاحتياجات الخاصه وايجاد الجثث من تحت الانقاض ومعرفة اماكن المجرمين وملاحقة اثرهم
سواء بشم الارض اوحتى الهواء وغيره الكثير من الامور المهمه ..
تستخدم الكلاب لقياده العميان ومساعدتهم على السير وعبور الشارع حيث تكون مدربه وملمه
بقوانين السير واشارات المرور..
* هل تعلم ان الكلاب تتواصل من مسافات بعيده وتسمع اصوات لا نستطيع نحن ان نسمعها..
* هل تعلم ان الكلب صديق وفي للانسان وممكن ان يحبه لدرجة الغيره

Unknown تمّ النشر بـ 6:09 م أضف تعليق

طريقة تدريب وتربية الكلاب

طريقة تدريب وتربية الكلاب

التربية السليمة والصحة الجيدة

انا انهاردة جبتلكم موضوع مهم
شوية اسئلة للناس اللى لسة مشترية كلاب شوية استفسارات مهمة

استفسارات

1- خلاص جبت الكلب و عملتله مكان و كله تمام بس عمال يهوهو مش عارف انام انا و الجيران ؟

عادى اول يومين تلاته هيفضل يهوهو كده و بتاع بس انت متطلعلوش عشان كل لما تطلعله هيسكت بس بعد لما تمشى هيهوهو اكتر انت سيبه خالص لحد لما يتعود على المكان الجديد

ــــــــــــــــــــــــــــ

2- طيب انا خايف يموت منى او يجيلوا امراض اعمل ايه ؟

ما انت لازم تطعموا , تروح لأقرب مستشفى بيطرى او دكتور و تقول على عمره و هوه هيظبتك فى التطعيمات

ــــــــــــــــــــــــــــ

3- طيب دلوقتى الكلب مش راضى ياكل حجات معينة ؟

الكلاب غالبا بتاكل اى حاجة بس سعات بيبقى فيه سنة دلع يعنى ايه ؟ يعنى الكلب عارف ان لو مكلش الفول مثلا او الرز هتجرى تجبله لحمة فانت ببساطة بتحطله الزيادة من اكل البيت العادى و معاه مثلا بيضة مسلوقة و شويه عيش بلدى متقطع فى شربة كده يعنى

ــــــــــــــــــــــــــــ

4- طيب لو اجى اعمله اكل اعمله ايه ؟

على افتراض ان هوه جرو صغير , ممكن بيضة مسلوقة و تضربها مع علبة زبادى او شوية فول متقطع فى داخلهم عيش او شويه لبن بداخلهم قطع عيش ممكن كمان مكرونة و يا سلام لو بالحمة المفرومة بس من غير صلصة و عندك مثلا تعمل شوية شربة و بداخلهم رز و قطع عيش و تسلقله جزر و بطاطس برده مفيد ليه جدا كل الحاجات دى كويسة للجراوى بس خد بالك انا قايلك الحجات دى عشان التوفير فى التكلفة بس كل الحجات دى يكون جنبها بروتين زى لحم مفرومة او قطع دجاج مثلا بس من غير عضم طبعا عشان البروتين من اهم العناصر اللازمة لبناء الكلب

ــــــــــــــــــــــــــــ

5- طيب خلصنا من موضوع الاكل المشكلة دلوقتى ازاى اعوده على الحمام ؟

بعد كل وجبه للجرو تاخده بره البيت فى المكان اللى انتا عايزه يعمل فيه و تسيبه شويةهتلاقيه بيشم فى الارض و يلف حوالين نفسه شويه و بعدين هتلاقيه عملها سواء بول او براز فى الوقت ده انتا تشجعه بالطبطبه عليه و تديله اى مكافأة تكون مش بتديها ليه كتيرعشان يفهم انو عمل شيئ يرضيك و بياخد عليه مكافأه

ــــــــــــــــــــــــــــ

6-طيب الكلب عمال يقرفنى و يعمل حاجات غلط كتير اضربه ؟

لا ممنوع الضرب نهائيا عشان انت كده هتخلى كلبك بيخاف منك اوى و هيطلع جبان و بيتجنب اللعب معاك انت بس زعقله كده و اشخط فيه و هوه هيفهم مرة بمرة انك مضايق

ــــــــــــــــــــــــــــ

7-طيب الكلب ريحته وحشة و عامل ريحة وحشة فى المكان احميه ؟

لو هوه لسه اقل من شهرين و نص 3 شهور كده يبقى بلاش احسن عشان ميجلوش برد و هوه فى السن ده بس طيب لو مش قادر تستنى يبقى تجيب قماشة مبلولو كده و تمسحلو بيها جسموا كويس و اول لما تخلص تنشفوا بأى فوطة على طول لحسن يجيلو برد

ــــــــــــــــــــــــــــ

8- طيب الجرو بيحبنى اوى بس هرينى عض و بيعض كل حاجة حواليه ؟

اه ده عادى هو كده بيسنن و سنانه وجعاه اوى و لثته برده عامل زى الاطفال الصغيرين لما بيسننوا برده بيعضوا كل الناس الحل انك تجبولوا اى قماشة كده لما يجي يعضك زعقله و حط دى عند بقه و هوه هيسيبك و يمسك فى القماشة و العب معاه بيها و هوه عاضضها شده كده يعنى بس خفيف اوى عشان سنانه لسه ضعيفة

ــــــــــــــــــــــــــــ

9-طيب انا ابدأ ادربه من دلوقتى و ادربه على ايه ؟

اه يستحسن تبدا معاه بدرى بس على خفيف كده و حاجات بسيطة يعنى تعوده على اسمه و على مكان الحمام و كده و نعوده على الطوق و السلسة و سنة فى سنة تبدأ باقى اوامر الطاعة " تعال - روح - اقعد - نام - الخ .. "

ــــــــــــــــــــــــــــ

10- طيب انا عايز اشرس كلبى و اخليه ديناصور اعمل ايه ؟

لأ اصبر شوية ده لسه صغير برده , تدريبات الشراسة دى بتبدأ من سن 7 شهور ولا حاجة و يستحسن لو تعملها عند مدرب , بس لو عايز انت تدربه يبقى تجيب واحد صاحبك مش معروف للكلب و تديله عصاية مثلا و تمسك انت الكلب بالسلسة و تخلى صاحبك يستفزه و يضربه بالعصاية ضرب خفيف على فمه و اقعد شجعه و كده لحد لما يهوهو عليه او يبقى عايز يجرى عليه لو معملش حاجة انت شده و روح لصاحبك و خليه يعمل خايف و يجرى و انت وراه بالكلب و اقعد شجعه و اديله حاجة بيحبها و مرة فى مرة هوه هتلاقى بقى اسد ان شاء الله بس تغير صاحبك كل فترة عشان يبقى شجاع مع كل الناس

وشكرا
ولو ايى حد عايز يسال اى سؤال يسالنى وانا هرض عليه

Unknown تمّ النشر بـ 6:06 م أضف تعليق

معلومات عن كلاب: Doberman

معلومات عن كلاب: Doberman

معلومات عن جميع انواع الكلب

معلومات عن كلاب: Doberman

كلاب الدوبرمان هي احد سلالات الكلاب الالمانية التى ظهرت فى عام 1890 وتعتبر كلاب الدوبرمان من بين اكثر السلالات شيوعا من سلالات الحيوانات الاليفة وهى تشتهر بالذكاء والوفاء لصاحبها ، وقد كانت كلاب الدوبرمان تستخدم ككلاب حراسة او فى الاعمال البوليسية ولكن هذا اصبح اقل شيوعا .

تعتبر كلاب الدوبرمان من السلالات الاكثر تميزا فى الكثير من الدول بسبب نشاطها وحيويتها ومناسبتها للحياة الاسرية ، كلاب الدوبرمان من الكلاب متوسطة الحجم الخفيفة الشعر الرياضية الجسم حيث يصل طول كلب الدوبرمان الذكر 69.8 سم بينما الانثى طولها يصل الى 64.8 سم ووزن ذكر كلب الدوبرمان يتراوح بين 34 - 41 كيلوجرام بينما الانثى يتراوح وزنها ما بين 27 - 36 كيلوجرام .

لون جسم كلب الدوبرمان يختلف نسبيا فيمكن ان يكون لونه اسود ، احمر ، ازرق ، بني فاتح ومتوسط عمر كلب الدوبرمان يتراوح بين 10 - 13 سنة وذيل الدوبرمان الطبيعي طويل الى حد ما ولكن غالبا ما يتم ازالة معظم الذيل عن طريق عملية جراحية بعد الولادة بفترة قصيرة خاصة فى الولايات المتحدة الامريكية وروسيا واليابان وتلك العملية اصبحت مثيرة للجدل فى الوقت الحالي وقد اصبحت تلك العملية غير قانونية فى كثير من الدول .

كما ان اذان كلب الدوبرمان يتم اقتطاع جزء منها بعد الولادة لتصبح منتصبة وعادة ما تتم تلك العملية بعد 7 - 9 اسابيع من الولادة واذا ما تم التقصير بعد الشهر الثاي عشر فانه يكون من الصعب الحصول على اذن مستقيمة ، ولكن الكثير من اصحاب كلب الدوبرمان يفضلون عدم القيام بتلك العملية لما تسببه من ألم للكلب ، وفى بعض الدول لا يتم اشراك الكلب المقطوع الاذن فى المسابقات التى تجري للكلاب .

هناك اعتقاد خاطئ بان كلب الدوبرمان من سلالة الكلاب العداونية الشرسة ولهذا يقوم الكثير من الاشخاص بتربيتها ليكون كلب حراسة وبحيث يظهر الكلب بشكل كبير ومرعب ليهاجم الغرباء بأمر صاحبه وهذا يجعل الكلب مثالي للحراسة او مساعدة الشرطة او الاستراك فى الحروب لكنه لا يصبح رفيق مثالي ، ولكن ذكاء كلب الدوبرمان وجسمه القصير يجعله من الحيوانات الاليفة اكثر منه من كلاب الحراسة الشرسة ، يذكر ان كلب الدوبرمان يصنف ضمن اذكى 5 كلاب فى العالم والاكثر طاعة للاوامر .

يتم تقسيم الكلاب فى العالم على حسب درجة العدوانية الى اربعة اقسام وهي عدوان ضد الغرباء وعدوان ضد صاحب الكلب وعدوان ضد الكلاب الاخرى والتنافس مع الكلاب الاخري وكلب الدوبرمان تم تصنيفه ضمن اكثر الكلاب عنفا ضد الغرباء ويعتبر من اقل الكلاب عدوانية ضد صاحبه ويأتي فى المرتبة المتوسطة فى العنف ضد الكلاب الاخرى والتنافس معهم ، وعلى الرغم من ندرة مهاجمة كلب الدوبرمان للانسان الا ان عضة الدوبرمان خطيرة للغاية والاطفال اكثر الفئات العمرية تعرضا لعضة كلب الدوبرمان وغالبا ما يؤدي هجوم كلب الدوبرمان على الانسان الى الوفاة وذلك طبقا لتقارير مركز مكافحة الامراض .

يعاني كلب الدوبرمان من بعض المشاكل الصحية مثل تمدد عضلة القلب وهى من المشاكل الصحية الشائعة الخطيرة للدوبرمان بالاضافة الى عدم استقرار العمود الفقري وايضا مرض البروستاتا وامراض اخرى اقل خطورة مثل الغدة الدرقية وتشوهات مفصل الفخذ .

Unknown تمّ النشر بـ 5:05 م أضف تعليق

طريقة حموم الكلاب

طريقة حموم الكلاب

التربية السليمة والصحة الجيدة

الطريقة الصحيحة لحموم الكلاب

طريقة حموم الكلاب

اول حاجة طبعا لازم نعرف ان فرو الكلب فيه زيوت

بتعمله عزل للحرارة جزئيا عشان تحافظ علي حرارة جسمه 

فكثرة الحموم او استخدام الشامبو الخاطئ ممكن يأذي الكلب

ده غير انه هيخلي شعر الكلب يقع وطبعا ابعد عن الصابون خالص

طب هتقولي امال اعمل ايه هقلك شوف اللانواع اللي تناسبك

انواع الشامبو المستخدمة للكلاب

شابو الكلاب وده من اي صيدلية بيطري ممكن تلاقيه فحدود 

تلاتين جنيه وهو طبعا انواع كتير انت تقله عايز

شامبو للكلب هيقلك فحدود كام ويجيبلك

تاني حاجة ممكن تستخدم شامبو جونسون او نونوللاطفال 

تالت حاجة بقي ممكن تستخدم شامبو بيتادين

وده فحدود سبعة تمانية جنيه من اي صيدلية تجيبه

طبعا الكلب لو بتربيه فالبيت كفاية عليه يستحمي مرة كل شهر

او اكتر من شهر فالشتا او اقل من شهر فالصيف يعني متوسط شهر

انما لو سايبه برا حميه كل اسبوع ونص اسبوعين

لقيت مثلا حاسس انه مش نضيف امسحه بفوطة مبلولة وسرحله

دلوقتي بقي نيجي للادوات اللي تبقي معاك

الادوات المستخدمة

1محتاج فرشة

2فوطة كبيرة

3حوض استحمام او ممكن تحميه فحوض الحمام او البانيو عادي 

خطوات الاستحمام

1- سرح للكلب ولو محتاج تحلقله الاول 

ممكن تحلقله وتقصله ضوافره 

نبل الكلب بالراحة من علي ضهره الاول

3- نحط الشامبو علي ضهر الكلب وشوية

علي راسه من فوق وندعكه بايدنا

- نغسل الكلب كويس بالمية عشان ميبقاش فجسمه رغوة 5- نحط الفوطة علي جسم الكلب كله قبل مينطر المية علينا

6-نلف الفوطة عليه وبعدين نشيله نوديه فالهوا

ينطر هو المية بقي والهوا ينشفه يا اما نستخدم سشوار مخصوص للكلاب

7-قول للكلب نعيما واديله مكافأة الراجل استحملك كتير والله يشكر

ملاحظات

الكلب طبعا ممكن يبقي بيخاف من المية فبالراحة عليه

مش داخل بيه عركة انت وحاول تكلمه براحة كدة وانت بتحميه

اعمل حسابك انك بتحميه مش هتسلقه فالمية تكون فاترة

مش سخنة ولا سقعة زي مابتحمي العيل الصغير اسقع شوية كمان

متحطش المية فعين الكلب وانت بتشطفه

الشامبو بعيد عن عينه والنبي لو عايز تغسله عينه

هاتله قطرة ومتجيش تقول هو الكلب بيكره الحمي ليه وانت بتعذبه

يستحسن تحط قطنة فودن الكلب عشان

الميا بس متدفسهاش جوا لحسن متعرفش تطلعها

وطبعا انا قلت لو عايز تنشفه بسشوار الكلاب عشان محدش

يمسك السشوار بتاعه ويشوي الكلب السشوار

بتاع الكلاب بيبقي هوا عادي مش سخن 

Unknown تمّ النشر بـ 1:54 م أضف تعليق

معلومات عن كلب Golden Retriever

معلومات عن كلب Golden Retriever

معلومات عن جميع انواع الكلب

معلومات عن كلاب   Golden Retriever

كلب Golden Retriever هو كلب كبير الحجم,كلب Golden Retriever كلب صيد من الدرجة الاوللى وهو 4 اذكى كلب فى العالم ,وكان فى الماضى يستخدم فى استرداد الطيور المائية بعد اصتياضها واطلاق النار عليها فى الجبال والمرتفعات

كلب Golden Retriever بيحب العب جدا وهو الكلب المناسب لو عندك اطفال  صغيرة,ده غير انو كلب سهل التدريب على الطاعة لانه رابع اذكى كلب فى العالم

كلاب Golden Retriever  كلاب ودودة جدا ومسالمة ولا تصلح للحراسة

كلب Golden Retriever يقدر يعيش فى البيوت او الضواحى على الرغم انو بيحتاج تمرين كبيرة فى الهواء الطلق, ينبغى ان يوضع فى منططقة مسيجة يعنى يبقى فيها سور علشان ميلته الفطرية للتجول

يبلغ وزن ذكر كلبGolden Retriever متوسط 65-75 رطلا (29-34 كلغ)
 والانثى متوسط 60-70 رطلا (27-32 كلغ)
ويبلغ ارتفاع ذكر   58-61سم ، اما الانثى 55-57 سم

يبلغ متوسط عمر كلب Golden Retriever من 10 الى 12 سنة وساعات بيعيش اكتر

ويعد كلب Golden Retriever ثالث سلالة الكلب الأكثر شعبية في الولايات المتحدة ، والخامس أكثر شعبية في أستراليا ، والثامن أكثر شعبية في المملكة المتحدة.

Unknown تمّ النشر بـ 1:26 م أضف تعليق